Golamir Spray pa alkool

Golamir është një pajisje mjekësore që vepron mbi dhimbjen, djegësirën dhe vështirësitë në gëlltitje duke mbrojtur mukozën orofaringeale nga faktorët që shkaktojnë irritimin. Lehtëson, në fakt, në mënyrë fiziologjike dhimbjen dhe mbron fytin nëpërmjet një veprimi indirekt antiinflamator si rezultat i mekanizmave të mëposhtëm të veprimit: • Barrierë: Formon një film aktiv mbi mukozë për të zvogëluar mbindjeshmërinë dhe për ta mbrojtur atë nga sulmet e agjentëve të jashtëm. • Antioksidues: Redukton radikalet e lira të krijuara nga inflamacioni i mukozës. Krijon gjithashtu një mjedis të pafavorshëm për rritjen e baktereve. Shije e këndshme Frutash pylli dhe Manaferre.

UDHËZIME: Trajtim i gjendjeve irrituese dhe inflamatore të zgavrës orofaringeale në rastet e dhimbjes së fytit, të cilat mund të shkaktohen nga viruset, bakteret, alergjenët ose nga kontakti me agjentë të jashtëm irritues (tymi, smogu, pluhuri). Produkti është gjithashtu i përshtatshëm në ftohje kur sekrecionet e hundës që zbresin në fyt mund të shkaktojnë irritim. Nga mosha 1 vjeç. Mund të përdoret gjithashtu në kombinim me trajtimet farmakologjike të përshkruara nga mjeku.

MËNYRA E PËRDORIMIT: Tundeni flakonin përpara përdorimit. Rekomandohet të aplikohet në zgavrën orofaringeale: 1-6 vjeç: 4 spërkatje deri në 4 herë në ditë. Mbi 6 vjeç dhe të rritur: 4 spërkatje deri në 8 herë në ditë. Te fëmijët më të vegjël, produkti mund të spërkatet në anët e brendshme të faqeve, në mënyrë që të lehtësohet gradualisht marrja e tij. Kutia përmban spërkatësin në një qese të mbyllur hermetikisht. Në përdorimin e parë, hiqni kapakun prej alumini mbi flakon dhe vendosni spërkatësin.

PËRBËRJA: Golamir është një produkt 100% natyral dhe i biodegradueshëm, me ActiFilm DOL, kompleks vegjetal. 1 ml me produkt përmban: kompleks vegjetal ActiFilm DOL 25 mg, me bazë Tanine, Flavonoide, Rrëshira dhe Polisaharide (fraksion ekstraktiv LPME nga Agrimonia; fraksion ekstraktiv nga Mirra; xhel fletë i dehidratuar nga Aloe vera); Glicerinë vegjetale, Ujë; Lëng limoni; Gomë ksantan; Lëng molle, Aroma natyrale Frutash pylli dhe Manaferre. Nuk përmban konservues dhe ëmbëlsues artificialë.